Бројот на повредени во тетовско се зголемува

 

23.07.2001

Борбите се засилуваат во тетовските села.
 
 

Во периодот од 19 до 20 часот во Тетово беа слушнати две детонации.Во селата Лешок и Непроштено се одвиваат борби меѓу месното население и албанските терористи.

Според изјавата на градоначалникот на село Џепчиште 7 цивили го загубиле животот при гранатирањето извршено од 13 до 14 часот.

Едно 11 годишно девојче од албанска националност од село Порој загинало во денешните судири во тетовско. Според директорот на тетовскиот медицински центар доктор Раим Тачи до 20 часот во болницата се донесени 24 повредени од кои 18 граѓански лица и 4 војници и 1 полицец.Богатиновски Мартин од Прилеп од резервниот состав на полицијата со три повреди од шрапнел во главата е пренесен во клиничкиот центар во Скопје и над него се врши хируршка интервенција. Со прострелна рана во раката на клиниката за пластична хирургија е донесен Димитровски Филип од Тетово.Тој има прострелна рана во раката.И двајцата се наоѓаат вон животна опасност.

Нападнати се повеќе објекти. Во градот е крајно опасно за движење и поради неконтролираните заскитани куршуми по градските улици.Според извештајот на Марковски и Ѓуровски напаѓана е и касараната, меѓутоа нема оштетување на самиот објект.Луѓето се кријат во подземните простории исплашени од состојбата во градот.

Информацијата на жител од селото Вратница дека се киднапирани 40 лица од истото село не е официјално потврдена.
 

Јавните објекти на мета на терористите


 

23.07.2001

Во жестоките напади во Тетово повтроно има ранети, а и еден убиен.
 
 

Во тетовско попладнево се слушаат постојано престрелки од артилериско оружје и детонации.На патот Маврово-Дебар убиен е еден припадник на македонските безбедносни сили.

Нападнати се многу објекти во градот. Во градот е крајно опасно за движење и поради неконтролираните заскитани куршуми по градските улици.Според извештајот на Марковски и Ѓуровски напаѓана е и касараната, меѓутоа нема оштетување на самиот објект.

Најкритична е ситуацијата е во селото Непроштено каде се во тек жестоки напади на терористите.

7 цивили се повредени, од кои еден потешко во денешните судири во тетовско. 6-мина се веднаш префрлени во тетовскиот медицински центар, додека еден поради тежината на повредите е префрлен на клиничкиот центар во Скопје.Според директорот во тетовскиот медицински центар доктор Раим Тачи, еден цивил по санирањето на повредите е пуштен на домашно лекување, додека останатите 5 се задржани. Сите повредени се вон животна опасност. Потешко бил ранет Филип Димитров додека седел на балконот од својот стан.